«Шынымды айтсам, сыйақымды әлі жұмсаған жоқпын. Ол жағын ойлайтын менің тіпті, уақытым да жоқ. Ойымды бөлмес үшін бұл істі кейінге шегеріп қойдым. Қазір көптеген іс-шаралар өтіп жатыр. Бізді назардан тыс қалдырмай, кішкентай да болсын еңбегімізді бағалап жатқаны қуантады. Алғысымнан басқа айтарым жоқ», – деді Василий Левит.

Бұған дейін Василий Левит пен Əділбек Ниязымбетов 34 млн теңгеден алғанын хабарлаған едік.

Ол сондай-ақ, жаңа жылға арналған фильмнің съемкасы туралы да айтып берді.

«Мен өзіме қатысты эпизодтарға түстім. Бұл мен үшін үлкен тәжірибе болды. Әрине, өзімді актермін деп айта алмаймын. Мен неғұрлым спортқа жақынырақпын», – деді ол.

Бұдан бөлек, ол қазақстандық боксшылардың алдағы жоспарлары туралы айтуды да естен шығармады. «Командамыз осы айда Сарыағашта жиналады, ал келесі айда Алматыда жалпы-физикалық дайындығымызды бастаймыз. Жекпе-жектер мәселесі әлі шешілген жоқ, ол жағы жаттықтырушылардың қолында», – деді Олимпиаданың күміс жүлдегері.

Жіберіп алмаңыз:

Боксшы Левит жетім балаға арнап білім беру депозитін ашты

Әлемдегі ең бай спортшылар кімдер

“Ағайынды төртеу” лақап атымен жүрген қылмыстық топтың серкесі спортшыларға демеуші болып келген

Талқылау