Қазіргі таңда екі елдің үкіметі “жол картасын” пысықтап жатыр. Сонымен қатар Қырғызстан парламенті Қазақстанның 100 миллион доллар көлеміндегі көмегінен бас тарту туралы заң жобасын қабылдады, деп хабарлайды sputniknews.kz.

Естеріңізге сала кетейік, Қырғызстандағы президент сайлауы қарсаңында Астана мен Бішкектің арасында дипломатиялық жанжал шыққан болатын. Қырғызстанның қызметінен кетіп бара жатқан басшысы Алмазбек Атамбаев Қазақстанды сайлауалды процестерге араласты деп айыптады.

Осыдан кейін Қазақстан Қырғызстанмен шекарада қауіпсіздік шараларын күшейтті, салдарынан көрші ел жақтан жүк көліктері жиналып қалып, бірнеше километрлік кептеліс пайда болды. 18 қазан күні Астанада Қазақстан мен Қырғызстан премьерлері қазақ-қырғыз шекарасын кесіп өту тәртібін қамтамасыз етуге уағдаласты. Сондай-ақ экономикалық қарым-қатынастың өзекті мәселелері бойынша бірлескен “жол картасын” дайындау үшін жұмыс тобын құруға шешім қабылданды.

“Қырғыз-қазақ қарым-қатынасы тарих, мәдениет, рухани құндылықтардың тұтастығына, тату көршілік және бауырластыққа негізделген. Қазіргі проблемалар уақытша, оның үстіне тараптар жағдайды реттеу жөнінде бірнеше келіссөз жүргізді. Таяу уақытта барлық мәселе шешімін табатынына сенімдімін”, — деді Жээнбеков.

Қырғызстанда президент сайлауы 15 қазанда өтті. Онда сайлаушылардың 54,7% дауысын алған экс-премьер Жээнбеков жеңіске жетті. Жаңа мемлекет басшысын ұлықтау рәсімі 24 қарашада өтеді.

Тағы да оқыңыз:

Моңғолиядағы қандастар бұдан былай Қазақстанға көшіп келе алмауы мүмкін

Еліміздегі Суретшілер Одағының басшылығына «талас» қызу жүріп жатыр

Шетелдегі бизнесін жасырған қазақстандық министрлердің өтірігі ашылды

Талқылау