Құлыбаевтың компаниясына 2 миллиард теңгеге жуық айыппұл салынды
Атырау облысы прокуратурасы "Joint Technologies" ЖШС үкіметтік емес ұйымына 2 миллиард теңгеге жуық айыппұл салынғанын мәлімдеді. Бұл туралы Stan.kz ақпарат агенттігі хабарлайды.
Фото: dzen.ru
Атырау облысы прокуратурасының мәліметінше, аталған компания "Сұйытылған мұнай газын сақтау паркі" ЖШС-мен жасалған шарттарды бұзған.
"Joint Technologies" ЖШС-ға "Сұйытылған мұнай газын сақтау паркі" ЖШС-нің 50% акциясын сатып алу кезінде ерекше шарттарды бұзғаны үшін айыппұл салынды”, – делінген хабарламада.
Сондай-ақ бәсекелестікті қорғауды бұзғаны үшін сот қаулысымен "Парк" әкімшілік құқық бұзушылық туралы кодекстің 159-бабының 3-1-бөлігі (Мәмiлелер жарамсыздығының негiздерi) бойынша 324 миллион теңге айыппұл салынды.
Еске салайық, прокурорлардың тексеру қорытындысы бойынша 50% үлес түріндегі жалпы сомасы 5,7 миллиард теңгенің мүлкі мемлекетке қайтарылды.
Joint Technologies әлі күнге дейін "Сұйытылған мұнай газын сақтау паркі" ЖШС-нің қатысу үлесіне ие. Компанияның негізгі құрылтайшылары – "Атырау мұнай өңдеу зауыты" ЖШС және "Көксеңгір" ЖШС.
Бұған дейін Тимур Құлыбаев пен жұбайы, экс-президент Нұрсұлтан Назарбаевтың қызы Динара Құлыбаева ең бай қазақстандықтар тізімінде көш бастаған еді.