Қарағанды облысында құлағы үсіп қалған жүргізушінің жағдайы белгілі болды
Қарағандылық дәрігерлер құлақтары қатып қалған жүргізушінің жағдайы туралы айтып берді. Х.Мақажанов атындағы облыстық клиниканың директоры Еркін-Дәуір Құрманғалиев жәбірленушінің жағдайына қатысты пікір білдірді, деп хабарлайды Stan.kz ақпарат агенттігі.
Оның айтуынша, бүгінде науқастың жағдайы тұрақты, өміріне қауіп жоқ. Оған екінші және үшінші дәрежелі құлақтың үсуі диагнозы қойылған.
"Құлақта қан айналымы жақсы дамыған. Оның құлағы орнында. Әзірге болжам айта алмаймыз. Ол біздің бақылауымызда. Оның диагнозы - құлақ қалқанының үсуі",-деді Еркін-Дәуір Құрманғалиев.
Еске сала кетейік, әлеуметтік желіде аязда жолда көлігі бұзылып қалған жүргізуші түсірген видео тарады. Видеода ер адамның кірпігіне, қасына және сақалына мұз қатып, құлақтары үсіп қалғанын байқауға болады.
Кейін бұл видео Қарағанды облысының Шет ауданында түсірілгені белгілі болды. Жәбірленуші Жаңаарқаға бет алған Қарағанды қаласының тұрғыны болған. Оған медициналық көмек көрсетілді.
Астанада тіс емдеу кезінде көз жұмған 3 жасар қыздың өлімі: Сотта жаңа күмәндер мен сараптамалық қайшылықтар туындады
Ата-аналар сотта наркоздың зияны жоқ екенін реаниматолог пен анестезиолог алдын ала айтты дейді
Алматы әкімдігі тұрғындардың наразылығын тудырған эстакадаға қатысты суретке түсініктеме берді
Тағы бірі Алматыдағы кейбір жол құрылыстары кептелісті жеңілдетуден гөрі арттырады деп алаңдайды