Қыдырәлі Болманов су жаңа автокөлігін көрсетіп мақтанды (видео)
Қыдырәлі Болманов ұлы Айсұлтанның есте сақтау қабілетінің мықты дамығанын айтып, қуанышымен бөлісті. Танымал продюсер су жаңа автокөлігін көрсетті.
Бұл туралы Stan.kz хабарлайды.
Болманов күнделікті өмірден көрініс сәтін жариялады. Ол жаңа автокөлік алып, оған ескі мәшінесіндегі нөмірін салып алған. Ал кішкентай ұлы көлікті алғаш рет көріп тұрса да оның нөмірін танып қойған. Бұл ретте халықтың ойының сан-саққа жүгіретінін ескерген продюсер видеоны жүктеу үшін ұзақ ойланғанын жасырмайды.
“Осы видеоны саларда ойлануға тура келді. Әр адам әртүрлі қабылдайды. Бір адам машина туралы ойлауы мүмкін. Ескі қара түсті машинаның номерін ақ машинаға салып, бүгін бірінші күн келсек те, өзі күнде мінбесе де, жазбай танығанына риза болдық, ата-ана ретінде әрине. Бір адам Айсұлтанымның аузын толтырып айтқан “дәстүрлі” (Арқа өңірінде осылай “жібереді” ) эмоциясына, сөзіне күлімдеуі мүмкін, біреулер ренжуі мүмкін. Бұл жердегі ең басты дүние Алла бере салғандарыңменен әңгімелесу. Қалай болса да, қайнаған күнделікті өмірден бір көрініс”, – дейді Болманов.
Жіберіп алмаңыз:
Димаш Құдайберген “Adagio” әнімен алтыншы кезеңде жеңіске жетті
Қытай қыздары Димашқа “күн көрсетпей” жүр (фото, видео)