Криштиану Роналдудың "лак" жағылған аяғының суреті желіде қызу талқыға түсті
“Әл-Наср” және Португалия құрамасының шабуылшысы Криштиану Роналдудың демалыста жариялаған суреті желіде қызу талқыға түсті. Бұл туралы Stan.kz ақпарат агенттігі хабарлайды.
Фото: instagram.com/cristiano/
Еуропа чемпионатының ширек финалына дейін жетіп, жарыс жолынан шығып қалған Португалия құрамасының шабуылшысы желіде демалысының суретін жариялап, сынның астында қалды. Роналдудың “лак” жағылған аяғының суретін көрген жанкүйерлер оның стилін қызу талқылай бастады.
“Еркек болсаң да, педикюр жасататыныңды елестетіп көрші. Жиіркенішті. Бұл шынымен жиіркенішті. Оны қолдап, ақтап жатқандарға жаным ашиды" – деп жанкүйерлер спортшыны талқылауға көшті.
Видеодан скриншот
Алайда спортшы “лакты” сән үшін емес, емге қолданатыны анықталды. Ол тырнақ зеңінің алдын алу және көгергеннен кейін тырнақ пластинасын қалпына келтіру үшін қолданылады. ММА жауынгерлері мен кикбоксшылар да осындай лактарды пайдаланады.
Айта кетейік, Португалия құрамасы Еуропа чемпионатының ширек финал аясында Франция құрамасынан жеңіліп қалған еді. Ал Роналду өзінің мансабындағы алтыншы Еуропа чемпионатына қатысып, рекорд жаңартты.
