Костенко шахтасындағы апат: Қайғылы жағдайдан 1 жыл өткеніне қарамастан тергеу әлі аяқталмаған
Бас прокурордың орынбасары Ғалымжан Қойгелдиев Костенко атындағы шахтадағы қайғылы оқиғадан бір жыл өтсе де, қылмыстық істің аяқталмағанын айтты. Бұл туралы Stan.kz ақпарат агенттігі хабарлайды.
Фото: Ақорда
Сенат отырысы кезінде Ғалымжан Қойгелдиевтен Костенко шахтасындағы апатқа қатысты қылмыстық істің мән-жайы сұралды.
“Біз үшін бұл – орны толмас қаза, үлкен қасірет. Қазір қателеспесем, 10 адам тергеліп жатыр. ArcelorMittal-ға қатысты тергеу жүргізілді. Бірақ оның қандай сатыда екенін айта алмаймын”, – деп жауап берді бас прокурордың орынбасары.
Айта кетейік, 28 қазан күні төтенше жағдай аймағындағы өрттен кейін Костенко шахтасында жарылыс болды. Апат кезінде шахтада 252 адам болған, оның 46-сы көз жұмды. Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырған еді. Қарағанды облысында кеншілердің өліміне қатысты қылмыстық іс қозғалғаны белгілі болды.
Талқылау
Жинағыңызды алтынмен сақтау тиімді ме – Сарапшылар бағалы металдың грамы 100 мың теңгеге жететінін болжады
Маманның сөзінше, тарихи тұрғыда қор нарығы құлдыраған кезде алтынға сұраныс артады
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады