"Тергеуші ештеңе деместен тыйым салды, болды. Бұл туралы көбі тек әуежайда білді. Қарағанды тергеу органдарының ескертуінен екі күн өткен соң олар шахтаға елденшықпау туралы хат жолдады. Қарағанды полиция басқармасы тергеушісінің әрекеті қылмыстық немқұрайлылық па, әлде қылмыстық іс жүргізу кодексін білмеушілік пе? Ақшамыз бос кетті, демалыс бұзылды", - делінген жұмысшылардың үндеуінде.

Қызметкерлер өтінішке тергеушінің 15 қарашада "АрселорМиттал Теміртау" компаниясының басшылығына жазған хатын қоса тіркеген. Онда қылмыстық қудалау органы құқық бұзушылық белгілері анықталған жағдайда кінәлілерді әшкерелеу үшін заңда көзделген барлық шараларды қолдануға міндетті екендігі көрсетілген. Сондықтан компанияның 34 қызметкеріне Костенко шахтасындағы жарылысты тергеу кезінде елден шығуға тыйым салынды.

"Сот прокуроры, тергеуші, анықтаушы істі дұрыс шешу үшін қажетті және жеткілікті мән-жайларды жан-жақты, толық және объективті зерттеу үшін заңда көзделген барлық шараларды қолдануға міндетті. Істің барлық мән-жайын зерттей отырып, сотқа дейінгі тергеп-тексеру органы "АрселорМиттал Теміртау" АҚ басқарушы компаниясының бірқатар қызметкерлерінің шетелге шығуына шектеу қою шараларын қабылдады", - деп түсіндірді Қарағанды облысының прокуратурасы.

Айта кетейік, 28 қазан күні төтенше жағдай аймағындағы өрттен кейін Костенко шахтасында жарылыс болды. Апат кезінде шахтада 252 адам болған, оның 46-сы көз жұмды. Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырған еді. Қарағанды облысында кеншілердің өліміне қатысты қылмыстық іс қозғалғаны белгілі болды.

Талқылау