Кореяда баланы қағып кеткен қазақстандық 5 жылға сотталуы мүмкін
Оңтүстік Кореяда баланы қағып кеткен қазақстандыққа бірнеше айып тағылды. Ол бес жылға бас бостандығынан айырылуы мүмкін. Бұл жайында ҚР ІІМ-нің ресми өкілі Айбек Смадияров мәлімдеді, деп хабарлайды Stan.kz ақпарат агенттігі.
"Оған бірнеше айып тағылды. Оқиға орнынан қашу, көлікті тіркеу ережелерін бұзу, сақтандыру құжатының болмауы, сондай-ақ, жүргізуші куәлігінің болмауы. Оңтүстік Корейдің осы тексеру жұмыстарын жүргізуі бойынша ол бес жылға сотталуы мүмкін немесе айыппұл салынады", - деді Смадияров брифингте.
Ол бұл оқиғаның шулы екенін және ІІМ бақылауында болатынын айтты.
Айта кетсек, қазақстандықтың үстінен қылмыстық іс қозғалды. Қазір ол Чанвон қаласында тергеу изоляторында отыр.
Айта кетсек, бұдан бұрын 20 жасар Қазақстан тумасы Оңтүстік Корейде жеті жасар баланы қағып кетіп, ізін суытқаны туралы хабарланған болатын. Ал бала дереу жан сақтау бөліміне жеткізілген. Ол 18 жерінен жарақат алған.
Қазақстандықтар үшін шетелге демалуға ең тиімді айлар аталды
Компания өкілі: "Демалысты кемінде үш ай бұрын брондау арқылы туристер тур құнын 40 пайызға дейін үнемдей алады"
"Денем кез келген уақытта ісіп кетеді": Қазақстандық өзінің ісік ауруымен ауыратынын 50 жылдан кейін ғана білген
Қазақстанда шамамен 700-ден 1500-ге дейін пациент болуы мүмкін