Компанияның бұрынғы қызметкері бастығынан өш алу үшін су сататын машиналарды бүлдірген
Фото: plitkakolomna.ru
Су сататын автоматтарды қасақана бүлдірген әйелге айыппұл салынды. Ол тиын салуға арналған ұяшықтарды бітеп, QR кодтары бар қағаздарды зақымдаған. Бұл туралы Stan.kz ақпарат агенттігі хабарлайды.
Қостанай соты су сату автоматтарын орнататын компанияның бұрынғы қызметкері жауапқа тартты. Бұрынғы жұмыс берушіге деген ренішінің салдарынан ол компанияның мүлкіне зиян келтірген.
Әйелдің сөзінше, бұрынғы жұмыс орнында еңбек кітапшасын және жалақысының бір бөлігін бермеген.
"Сотқа әйелдің QR кодтарын бүлдіріп, машиналарды бітеп тастағанын растайтын видео-айғақтар, фотосуреттер және куәлардың айғақтары ұсынылды. Соттың қаулысымен Әкімшілік құқықбұзушылық туралы кодекстің 147-1-бабының 1-бөлігі “Бөтеннің мүлкіне қасақана зиян келтіру” бойынша әкімшілік жауапкершілікке тартылып, оған 17 360 теңге әкімшілік айыппұл салынды", – делінген хабарламада.
Әйел қаңтарда жұмыстан шығып кеткен, ал наурыз айында машиналарда ақаулар басталған. Қала тұрғындары жұмыс істемейтін су машиналарына бірнеше рет шағымданған. QR кодтарымен төлем жасауды мүмкін болмады, ал монета қабылдағыштар бітеліп қалды. Компания қызметкерлерінің бірі бұрынғы қызметкердің әрекетін видеоға түсіріп алып, дереу полицияға хабарласқан.
