Қола жүлдегер Ғұсман Қырғызбаевқа жол талғамайтын көлік пен әскери атақ берілді
Қазақстанның Қорғаныс министрлігі Париж Олимпиадасының жеңімпаздарының бірі, дзюдодан қола жүлдегер Ғұсман Қырғызбаев пен оның егіз-ағасына мерзімінен бұрын жаңа әскери атақ берілді. Бұл туралы Stan.kz ақпарат агенттігі хабарлайды.
Фото: Olympic.kz
Аға лейтенант Ғұсман Қырғызбаев – Қорғаныс министрлігі Орталық спорт клубының әскери қызметкері. Онымен бірге дзюдодан Орталық спорт клубы құрамасын басқаратын егіз-ағасы Ғұмар жұмыс істейді.
“Отан алдындағы ерекше қызметі, дене шынықтыру мен спортты дамытуға қосқан зор үлесі, жоғары жеке жетістіктері мен кәсіби шеберлігі үшін Ғұсман Қырғызбаев пен оның егіз інісі, аға жаттықтырушы - дзюдодан Орталық спорт клубы құрамасының жетекшісі Ғұмар Қырғызбаевқа кезекті әскери атақ берілді. Екеуіне Қорғаныс министрі “капитан” шенін мерзімінен бұрын тапсырды”, – делінген хабарламада.
Ағайындыларға жаңа шенді Олимпиададан кейінгі спортшыларды марапаттау кезінде Қорғаныс министрі Руслан Жақсылықов табыстайды.
Cондай-ақ Олимпиада ойындарының қола жүлдегері Ғұсман Қырғызбаев қымбат сыйлыққа ие болды. Оған жап-жаңа Toyota Land Cruiser 250 жол талғамайтын көлігі тарту етілді. Сыйлық қызыл лентамен байланған.
Фото: Tengrinews.kz
Toyota Land Cruiser 250 2,4 литрлік турбокомпрессорлы гибридті қозғалтқышпен және сегіз жылдамдықты беріліс қорабымен жабдықталған. Көліктің қуаты 326 ат күшіне тең. Ашық мәліметтерге сәйкес, қазақстандық нарық үшін құны 31 миллион теңгеден басталады. Спортшы әуежайдан жол талғамайтын көлігімен шыққан.
Еске сала кетейік, Ғұсман Қырғызбаев 66 келіге дейінгі салмақта Олимпиаданың қола жүлдегері атанған.
5 тамызда Париж Олимпиадасында алтын иеленген дзюдошы Елдос Сметов пен қола жүлдегер Ғұсман Қырғызбаевты Алматы әуежайында туыстары, достары мен спортшылардың жанкүйерлері қарсы алған еді.
