Көкшетауда 22 жастағы жігітті некелескен күні өлтірді деп күдікке ілінгендер ұсталды
Көкшетаудағы ойын-сауық орталықтарының бірінде 22 жастағы жігітті әлдекімдер некелесу күні өлтіріп кетті деген ақпарат тарады. Аталған іске қатысы бар деген күдіктілер ұсталып, қамауға алынды. Бұл туралы Stan.kz ақпарат агенттігі хабарлайды.
Аталған жағдайға қатысты Stan.kz тілшісі Ақмола облысы полиция департаментінен пікір сұрап білді.
“Полиция департаменті адам өлтіру фактісі бойынша қылмыстық іс қозғалғанын хабарлайды. Күдікті ұсталды және уақытша ұстау изоляторына қамалды. Сондай-ақ жанжалдың басқа да қатысушылары анықталды. Адам өлтіру фактісі бойынша бір адам, бұзақылық бойынша алты адам ұсталып, қамауға алынды. 6 адамға қатысты бұзақылық фактісі бойынша сотқа дейінгі тергеу жүргізіліп жатыр”, – делінген хабарламада.
Сондай-ақ тергеу барысы басшылықтың бақылауында екені хабарланды.
Айта кетейік, бұған дейін Көкшетаудағы ойын-сауық орталықтарының бірінде 22 жастағы жігітті әлдекімдер өлтіріп кеткені туралы ақпарат тараған еді.
"Дәрінің құны 1,5 миллиард теңге": Бұлшықеті әлсіз қазақстандық бүлдіршінге денсаулық сақтау министрлігі көмек көрсетуден бас тартқан
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"