Клиенттерге ыңғайлы цифрландыру: "Отбасы банктегі" операциялардың 76,8%-ы онлайн жүзеге асады

Отбасы банкінде барлық операциялардың 76,8 пайызы онлайн форматта жүзеге асырылады. 2025 жылы клиенттер 3,6 миллион онлайн-операция жасаған. Көбіне олар жинақ және операциялық шоттарды ашып, балаларға арналған депозиттер рәсімдеген, жинақтарын толықтырған, несиелерін өтеген және автотөлемдерді баптаған. Банктегі әрбір үшінші депозит қашықтан – otbasybank.kz порталындағы жеке кабинетте немесе Otbasy Bank мобильді қосымшасы арқылы ашылған.

Отбасы банк цифрлық шешімдерді жылдам енгізіп, банктік қызметтерге қолжетімділікті жеңілдетеді және клиенттің өтініштен нәтижеге дейінгі уақытын қысқартады. Банк бөлімшелерге баруды азайтуға, қағаз құжаттардан бас тартуға және күту уақытын қысқартуға ерекше көңіл бөледі. Сонымен қатар негізгі кезеңдерде клиентті жеке сүйемелдеумен қамтамасыз етеді.

Қазіргі таңда клиенттердің ыңғайлылығы үшін заманауи технологиялар, жасанды интеллект пен роботтандыру кеңінен қолданылатын қызметтер мен операцияларда қолжетімді.

Салымшылар мен қарыз алушыларға жедел көмек көрсету үшін банкте QUANYSH чат-боты жұмыс істейді. 2025 жылы ол Отбасы банкінің IT-мамандары серіктестермен бірлесіп Amazon Web Services (AWS) технологиялары негізінде әзірлеген Quanysh-AI жаңа платформасына ауыстырылды. Жүйе тәулік бойы жұмыс істеп, қазақ және орыс тілдерінде жауап береді және сұраныстарды 90%-дан жоғары дәлдікпен өңдейді. Бүгінде чат-бот өтініштердің 97%-ын операторлардың қатысуынсыз шешеді. Ал орташа жауап беру уақыты 3-4 секунд. Quanysh-AI ай сайын шамамен 374 мың чатты өңдейді. Сервис мобильді қосымшада, сондай-ақ WhatsApp, Telegram мессенджерлерінде және hcsbk.kz, otbasybank.kz, enpf-otbasy.kz сайттарында қолжетімді.

Банктік операцияларды жеделдетуде роботтандыру мен процестерді автоматтандыру айтарлықтай көмек көрсетеді. Қазіргі уақытта шамамен 100 процесс роботтандырылған, ал жалпы нәтижесі шамамен сағатына 55 мың адам. Бағдарламалық роботтар төлем операцияларын өңдейді, тұрғын үй бағдарламаларын сүйемелдейді, мемлекеттік жүйелермен деректер алмасуды қамтамасыз етеді және қателік ықтималдығын азайтады. Бұл банк қызметкерлеріне клиенттермен жұмысқа көбірек көңіл бөлуге мүмкіндік береді. Алдағы уақытта құжаттар мен анықтамаларды тексеру үшін жасанды интеллектіні енгізу арқылы роботтандыру одан әрі күшейтіледі.

Отбасы банк енді өз клиенттеріне онлайн ипотекалық қызметтерді ұсынады.

"Банк қызметтерін цифрландырудың арқасында клиенттің өтініш беруден бастап несие алуға дейінгі жолы бірнеше аптадан бірнеше жұмыс күніне дейін қысқарды. Банк жылжымайтын мүлікті бағалау есептерін онлайн қарайды: 700-ден астам бағалаушы Отбасы банкпен арнайы платформа арқылы жұмыс істейді. Кепілге қойылған мүлікті бейнеқоңырау арқылы да тексеруге болады. Бес минуттың ішінде банк бөлімшесіне бармай-ақ, алдын ала ипотекалық мақұлдауды алуға болады. Клиенттер оператормен келесі сілтеме бойынша хабарласа алады: https://videokzbroker.hcsbk.kz/files/client-registrator/#/call/register?source=vneshniy_sait Электронды құжат айналымы мен үкіметтік дерекқорлармен интеграцияның арқасында банк негізгі несие шешімдерін бір күн ішінде қабылдауға тырысады", – деді банк өкілдері.

Айдана Оразалиева қазір "Наурыз" бағдарламасы бойынша несие алуға өтініш беріп жатыр. Ол "онлайн ипотека" қызметін таңдаған. Айдана  Жаңа жылға дейін бірнеше күн ішінде Алматыдан қалаған пәтер иесі болатынына сенімді. 

"Онлайн өтінім беру процесі жақсы жұмыс істейді. Бұл өте ыңғайлы. Мен кеңес беруден бастап несие алуға дейінгі қадамдардың көпшілігін қашықтан орындадым. Операторлар маған қажетті құжаттарды цифрлық форматта тез және дәл жинауға көмектесті. Сондай-ақ барлық сұрағыма толық жауап алдым. Мен бұл қызметті барлық қазақстандыққа ұсынамын. Екі бөлмелі пәтерімнің кілттерін алуға дайындалып жатырмын. Банктің цифрлық қызметтері бұл процесті мен үшін қарапайым, түсінікті және ыңғайлы еткеніне қуаныштымын", – деп бөлісті клиент өз әңгімесімен.

"Онлайн ипотека" қызметі – қазір цифрлық шешімдер мен менеджердің жеке қолдауын біріктіретін phygital-формат.

Өйткені көптеген қазақстандықтар үшін үй сатып алу өмірдегі алғашқы маңызды қадам. Сол себепті қолдау, кеңес беру және сенімділік сезіну қажет. Сондықтан банк менеджері клиентпен онлайн ипотека қызметін пайдаланып, транзакцияның басынан аяғына дейін бейнебайланыс арқылы бірге жүреді.

Биыл 10 000-нан астам қазақстандық "Отбасы банкінің" онлайн ипотека қызметін пайдаланып тұрғын үй сатып алды.