"Қыз болып оянуымды тіледім": Трансгендер Амилай балалық шағынан сыр шертті
Танымал блогер, трансгендер Амилай балалық шағынан бері қыз болуды армандағанын айтты. Бұл туралы Stan.kz ақпарат агенттігі хабарлайды.
Фото: Stan.kz
Желі жұлдызы бала кезінен қыздардың заттарына қызығатынын жасырмады.
“2005-2025 жылдағы фото. Мен бұл жолды таңдағаныма өкінбеймін. Кейде балалық шағымды сағынамын. Кішкентай кезімнен қыз сияқты болдым. Папамның туған інісі бокс, футбол барлығын үйреткенмен мен тек қыздардың заттарына қызығатынмын. Машина алып берсе, олармен ойнамадым. Туыстарымнан жасырып, қуыршақ ойнайтын едім. Оразаны 15 жасымнан бастап ұстадым. Құдайдан “ұйқыдан тұрғанда қызға айналып кетсем екен” деп намаз оқыған сайын жылап тіледім. Мүмкін Құдай менің тілегімді қабыл еткен шығар?! Сондықтан барлығы Құдайдың қолында екен. Кімді қандай жолға саламын десе оған қарсы шыға алмайсыз. Сіздің өміріңіз алда, болашақта не болатынын ешкім білмейді. Сол үшін жақсы тілек тілеп жүріңіздер, – деп жазды блогер.
Еске салайық, Амилай әскерге шақырылғанын жазған едік.
“Мен армияға дайындаламын. Шашымды жасаймын, кірпіктерімді ұзартамын. Әскерде әдемі болып жүремін. Әртүрлі жігіттер мен офицерлерді өзіме ғашық етуім керек”, – деген еді трансгендер.