Қытайлық компания Ақмола облысында бидай өңдейтін зауыт салады
Қытайдың биоөнімдерді шығаратын Fufeng Group компаниясы Ақмола облысында дәнді-дақылдарды өңдейтін зауыт салуды жоспарлап отыр. Астанада өтіп жатқан инвест-форумда мұны сыртқы істер министрлігі инвестиция комитетінің төрағасы Ғабидолла Оспанқұлов мәлім етті. Бұл туралы Stan.kz ақпарат агенттігі хабарлайды.
Фото: Pexels.com
Оспанқұловтың айтуынша, Қытай зауытын әкелу арқылы өнімнің өзіндік құнын арттырып, өңдеу саласын дамыту көзделген. 1 қарашада бидайды терең өңдеу жөнінде келісімге қол қойылады.
Аталған компания – әлемнің 115 елінде сатылатын биоферментация және азық-түлік өндірісі саласындағы жаһандық көшбасшы. Компания астықты терең өңдеуде және ксантан сағызын, натрий глутаматын, аминқышқылдарының кейбір түрлерін және басқа да астықты терең өңдеу өнімдерін өндіреді. Компанияның кірісі 2022 жылы 4 миллиард еуроға жетті.
Еске салсақ, бұған дейін қытайлық компанияның Шымкентте электромобиль өндірісін ашатыны айтылды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген