Қытайда коронавирустың кесірінен ақшаны жоюда
Қытай билігі коронавирус індетінен зардап шеккен аудандарда жиналған ақшаның бір бөлігін жою туралы шешім қабылдады, деп хабарлайды Stan.kz ақпарат агенттігі.
Әңгіменің қанша ақша жайлы айтылғаны жарияланбаған. Бұл ауруханаларда, базарларда, автобустарда және инфекция кеңінен таралатын басқа жерлерде жиналған банкноттарға қатысты мәлімдеме, олар Гуанчжоу қаласында жойылады. Сондай-ақ, Қытайдың Орталық банкі коммерциялық несиелік ұйымдарға вирус жұқтырылған аудандардан жиналған ақшаны бөлек жерде сақтауға бұйрық берген. Жойылмайтын банкноттар дезинфекцияланады. Ақша ультракүлгін сәулемен өңделіп, айналымға шығар алдында екі аптаға карантинге қойылады деп жоспарлануда.
Өлімге әкелетін коронавирус алғаш рет 2019 жылдың желтоқсан айының соңында Қытайдың Хубэй провинциясындағы Ухань қаласында тіркелген еді, жұқтырғандардың көпшілігі орталық Қытайда. 17 ақпандағы жағдай бойынша жұқтырғандардың саны 58,1 мыңнан асты, 1775 адам қайтыс болды, 6639 адам сауықтырылды.