"Кім кімнен ұрлады?": Ерке Есмаханның "Қайда" әніне ұқсас әнді айтқан ресейлік әнші хейтерлерге жауап берді
Танымал ресейлік әнші Лилия Голдобова отандық шоу-бизнес жұлдызы Ерке Есмаханның “Қайда” әнінің әуеніне ұқсас ән айтып, қызу талқыға түсті. Бұл туралы Stan.kz ақпарат агенттігі хабарлайды.
Ресейлік өнер иесі туындыны “Санкт-Петербург” деп атаған. Әнші плагиат деген айыптауларды жоққа шығарып, Ерке Есмаханның шығармасынан алғанын жасырмады. Сондай-ақ ол отандық өнер өкілімен курстас екенін айтты.
"Бұл жерде плагиат жоқ, бірақ идея бір, иә... Мен оны мүлдем аударған жоқпын, шабыт алған шығармын. Өйткені Ерке жақсы әнші, сонымен қатар менің курстасым", – деп жазды ресейлік өнер иесі.
Желі қолданушылары түрлі пікір білдіріп, ресейлік әншінің әнін плагиат деп жатыр.
“Біз ғана ұрлай береміз бе, біздікін де ұрласын”, “Сонымен кім кімнен ұрлады”, “Бұл біздің ән”, “Бүкіл әлем шырқасын”, “Өзіміз қырғыздан алып едік”, – деп жазып жатыр оқырман қауым.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты