"Келіні менен жақын": Ләйлә Сұлтанқызы анасымен әзілдесіп, жұртты сүйсіндірді

Фото: Жеке парақшадан алынды

Танымал журналист Ләйлә Сұлтанқызы анасымен әзілдесіп, жұртты күлдірді. Бұл туралы Stan.kz ақпарат агенттігі хабарлайды. 

БАҚ өкілі анасының образын көпшілікке көрсетіп, тек қымбат киімдер кигізгенін айтты. 

“Әлемнің жарығын сыйлаған Дишинка апам қасымда аман-есен жүре беріңіз! Біз сізді қуандырудан шаршамайық. Күлем-ау, мен қыдырайық Астанада қалыңыз деп жатсам, үйдегі келіннің туған күні деп қайтқысы келіп тұр. Келін менен жақын болды ма деп ұрыс шығарсам, қалай?! Мамам екеуміздің киім өлшемдеріміз бірдей екен. Енді менің үстімнен анамның, ал анамның үстінен менің киімдерімді көрсеңіз, таң қалмаңыз”, – деп жазды журналист. 

• "Жеңгетай болсам деймін": Ләйлә Сұлтанқызы әнші Қазыбек Құрайышқа қыз іздеп жүр

• "4 мың теңге айлықты қанағат тұтқан": Ләйлә Сұлтанқызы анасына жазба арнады

Одан кейін медиа маманы анасымен жақын араласуы жолдасының қазасынан кейін басталғанын жасырмады. 

“Мен анаммен жасым 40-тан асқанда, өзім балалы болғанда араласа бастадым. Анаммен өткізген әрбір сәт мен үшін құнды. Оның өзіне қарағанын қалаймын. Құрбыларымен бірге уақыт өткізіп, немере, балаларымен қыдырғанын қалаймын. Мен ешқашан оқып бітіре алмайтын кітап қой, шіркін. Әр сөзі, ақылында - тұнып тұрған даналық жатыр. Дәл осы сәтте, осы шақта маған анамның амандығынан басқа ештеңе керек жоқ. 100 жасыңызды тойлайтын күнге жетейік!”, – деген еді БАҚ өкілі. 

Еске салайық, Ләйлә Сұлтанқызы бала көтеруге қатысты ырымдарды бөліскен еді.