Сыбайлас жемқорлыққа қарсы іс-қимыл агенттігінің мәліметінше, 25 шілдеде Алматы облыстық соты төтенше жағдай министрлігі "Қазселденқорғау" ММ басшысы Кәрім Көкірекбаевқа қатысты ақтау үкімінің күшін жойды.

“Қылмыстық іс бірінші сатыдағы соттың жаңа қарауына жолданды. Сонымен қатар Кәрім Көкірекбаев сот залында қамауға алынды”, – делінген хабарламада.

“Қазселденқорғау" мемлекеттік мекемесінің бұрынғы басшысы Кәрім Көкірекбаев пен оның орынбасары өздерінің қызметтік өкілеттіктеріне кіретін әрекеттері мен әрекетсіздігі үшін алдын ала сөз байласу арқылы адамдар тобында аса ірі мөлшерде пара алғаны үшін, сондай-ақ жалпы қамқорлығы үшін айыпталды (қылмыстық кодекстің 366-бабы 3-бөлігінің 3-тармағы).

“Кәрім Көкірекбаевқа бір әрекеттерді бірнеше рет жасағаны үшін айып тағылды (366-бабының 4-бөлігі). ЖШС директоры П-ға алдау және сенімге қиянат жасау арқылы мүліктік залал келтірді. Ұрлық белгілері болмаған кезде өзінің қызметтік бабын пайдаланып, ірі көлемде зиян келтірді (195-бабы 4-бөлігі 2-тармағы) және лауазымды тұлғаға жеке басына аса ірі мөлшерде ақша түріндегі пара берді деген айып тағылды (367-бабы 4-бөлігі)", – деп мәлімдеді Алматы облысы сотының баспасөз қызметі.

Еске салайық, Жамбыл облысының бұрынғы әкімі және "Қазселденқорғау" басшысы Кәрім Көкірекбаев пара алу кезінде ұсталған еді. Ол 2023 жылғы мамырда Антикорда істің қатысушыларына орындалған жұмыстар актілеріне қол қойғаны және жалпы қамқорлығы үшін кәсіпкерлерден жалпы сомасы 396 миллион теңгеге ірі және аса ірі көлемде пара алғаны үшін айыпталды. Маусымда алқабилер соты Көкірекбаевты ақтап алды. Ал оның бұрынғы орынбасары 11 жылға бас бостандығынан айырылды.

Талқылау