Қазақтың "Ортеке" музыка-қуыршақ өнері мен Қожанасыр туралы аңыздар ЮНЕСКО-ның мәдени мұралар тізіміне енді

Мароккода ЮНЕСКО-ның материалдық емес мәдени мұралар жөніндегі комитетінің 17-сессиясы өтті. Онда ұйым қазақ мәдениетінің екі элементін Адамзаттың материалдық емес мәдени мұрасы тізіміне енгізді деп хабарлайды Stan.kz ақпарат агенттігі. 

gov.kz

Сыртқы істер министрлігіне сенсек, тізімге “Ортеке” музыка-қуыршақ өнері мен Қожанасыр туралы әңгімелер енген. 

“Ортеке” – күйші домбыра шерткенде үстел үстінде тұрған ағаш таутекені жіптің көмегімен билететін музыкалық-қуыршақ өнері. Ал ауыздан ауызға жеткен Қожанасыр немесе Қожанасыр Насреддин – Шығыс ауыз әдебиеті, әзіл-сықақ ертегілерінің кейіпкері. 

Осы екі мәдениет өнімі енген Адамзаттың материалдық емес мәдени мұрасының репрезентатив тізімі – дүниежүзін халықтардың мәдени дәстүрінен хабардар ететін архив. Енді онда қазақтың 13 мәдени мұрасы бар. Бұрын оған мына өнер түрлері мен салт-дәстүр енген еді: “Домбыра күй өнері" (2014), "Қазақ күресі" (2016), "Асық ату ойыны" (2017), "Жылқы бағатындардың көктемгі мерекелік салт-дәстүрі" (2018). Жеті элемент бірқатар елдің ортақ мәдени мұрасы болып саналған: "Киіз үй жасау" (2014), "Айтыс өнері" (2015), "Наурыз" және "Қатырма" (2016), "Қорқыт ата мұрасы" (2018), "Тоғызқұмалақ" (2020) және "Құсбегілік" (2021).