Қазақстанның сыртқы қарызы 164 миллиард доллардан асады – Ұлттық банк
Қазақстанның Нидерланды мен Ресей алдындағы қарызы көбейді. Бұл туралы Stan.kz ақпарат агенттігі 31 арнаның Информбюро жаңалықтар қызметіне сілтеме жасап хабарлайды.
Фото: depositphotos.com
Ұлттық банк 2025 жылы еліміздің сыртқы берешегі 164 миллиард доллардан асқанын мәлімдеді. Соңғы 5 жылдың өзінде басқа мемлекеттерден алған ақшамыз 8 миллиард долларға жуықтайды. Қазақстанның әсіресе Нидерландыға қарызы көп.
Десе де соңғы жылдары берешек мөлшері 42 миллиард долларға азайған. Қазақстан:
- Ресейге – 13 миллиард доллар;
- Ұлыбританияға – 13 миллиард доллар;
- АҚШ-қа – 12 миллиард доллар;
- Қытайға – 9 миллиард доллардан астам ақша қарыз.
Берешектің басым бөлігін резидент еместерден тартылған несиелер мен қарыздар тұрады.
Айта кетейік, Ұлттық банк мәліметтеріне снесек, 2023 жылғы 1 қаңтарда сыртқы қарыздың көлемі 161 миллиард 163 миллион доллар болса, 2024 жылдың 1 қаңтарына қарай қарыз 163 миллиард 551 миллион доллар болған.
Бұған дейін квазимемлекеттік сектор субъектілерінің сыртқы қарыз лимитін парламент қарастырып, бюджет туралы заңмен бекітетіні туралы жазған едік.
