Биыл Геолог күні Жұмысшы мамандықтар жылы аясында атап өтіледі. Мемлекет басшысының тапсырмасы бойынша сала өкілдерінің еңбегін жоғары бағалау мақсатында "Қазақстанның еңбек сіңірген геологі" жаңа құрметті атағы берілді.

"Биыл еліміздің тарихында алғаш рет геологтерге арналған мемлекеттік награда енгізілді. Бұл – Мемлекет басшысының еліміздің экономикалық дамуына қосқан сіздердің үлестеріңізге деген жоғары бағасы. Мамандардың жаңа буынына баға жетпес білім, тәжірибе және кәсіптің үздік дәстүрлерін үйреткен сала ардагерлеріне ерекше алғыс айтамыз", — деді Олжас Бектенов.

Премьер-министр ел экономикасы құрылымындағы геологияның маңыздылығын атап өтті.

2024 жылға Қазақстан аумағының геологиялық барлау көлемі 2 миллион шаршы шақырымнан асады, бұл жалпы алаңның шамамен 74%-ы. Мемлекеттік геологиялық барлау жұмыстары есебінен өткен жылдың қорытындысы бойынша 38 жаңа перспективалы кен орны анықталды. 2025 жылы Қарағанды облысында сирек жер металдарының қоры 800 мың тоннадан асатын Күйректікөл учаскесі ашылды, ал болжамды ресурстар, оның ішінде церий мен лантаноидтар 935 мың тоннадан асады деп бағаланып отыр.

Олжас Бектенов бүгін Мемлекет басшысы геологиялық қоғамдастықтың алдына көмірсутек әлеуетін тереңдетіп зерттеу бойынша маңызды міндеттер қойғанын атап өтті. Қазақстанда 15 шөгінді бассейн анықталған, олардың ішіндегі ең ірісі Каспий маңы болып саналады – оған елдің ресурстық базасының шамамен 80%-ы тиесілі. Аз зерттелген бассейндерді игеру ресурстық базаны ұлғайту және инвестициялар тарту үшін айтарлықтай перспективалар ашады.

Сала үшін жоғары білікті мамандар даярлауға баса назар аударылуда. Жоғары оқу орындары білім беру бағдарламаларын өндіріспен тығыз байланысып, студенттер жер қойнауын мемлекеттік геологиялық зерттеу объектілерінде тәжірибеден өтуде. Қабылданған қолдау шараларының нәтижесінде соңғы 2 жылда түлектер саны 2 еседен астам өсті.

Мемлекет басшысының тапсырмасы бойынша биылдан бастап геологиялық жұмыстарды қаржыландыру көлемі артады.

Президент жарлығымен еліміздің геология саласын дамытуға қосқан елеулі үлесі үшін:

"Қазақстанның еңбек сіңірген геологі" құрметті атағы:

Марат Бітімбаев - Қ.И.Сәтбаев атындағы Геология ғылымдары институты ЖШС бас ғылыми қызметкері, Алматы қаласы;
Серікбек Дәукей – ҚР ҰҒА академигі, Алматы қаласы.

"Құрмет" ордені:

Хайрлы Әбілхасымов – Қ. И. Сәтбаев атындағы Геология ғылымдары институтының бас ғылыми қызметкері, Алматы қаласы
Әбілқасым Батыров – геология саласының ардагері, Орал қаласы
Әшірәлі Бижанов – геология саласының ардагері, Алматы қаласы
Жуков Николай - Қ.Сәтбаев атындағы Геология ғылымдары институты ЖШС Қара және түсті металдар зертханасының бас ғылыми қызметкері, Алматы қаласы
Рахат Кукеева – "Бақыршық тау-кен өндіру кәсіпорны" ЖШС жетекші геолог-барлаушысы, Абай облысы
Талғат Мәтішев – "Қазақмыс корпорациясы" ЖШС геология департаменті геологиялық барлау қызметі бас геологінің орынбасары, Қарағанды қаласы
Бақытгүл Мүсиева – "Geotek" ЖШС жетекші геологы, Қарағанды қаласы
Александр Николаенко – "Қармет" АҚ көмір басқармасы Т.Күзембаев атындағы шахтаның бас геологы, Қарағанды қаласы
Руснак Валерий – Еңбек ардагері, Түркістан облысы.

ІІІ дәрежелі "Еңбек Даңқы" орденімен:

Андрей Светличный – "Professional Geo Solutions Kazakhstan" ЖШС бас геофизигі, Алматы қаласы

"Ерен еңбегі үшін" медальдары табысталды:

Ақмарал Байсалова – "Қ.Сәтбаев атындағы Қазақ ұлттық техникалық зерттеу университеті", Қ.Тұрысов атындағы Геология және мұнай-газ ісі институтының доценті, Алматы қ.
Гүлшат Исмаилова – "Маңғыстаумұнайгаз" АҚ геологиялық барлау басқармасының геология бөлімінің бастығы, Маңғыстау облысы
Комарова Наталья – "Центргеолсъемка" ЖШС геологы, Қарағанды қаласы;
Ерғали Құрабаев – "Ақпан" ЖШС бұрғылау шебері, Ақтөбе қаласы
Назигүл Минаева – "Геологиялық барлау колледжі" ҚМКҚ директоры, Семей қаласы
Саида Нығматова – "Қ.И.Сәтбаев атындағы Геологиялық ғылымдар институты" жауапкершілігі шектеулі серіктестігінің мезозой және кайнозой геология зертханасының меңгерушісі, Алматы қаласы.

Бокстан әйелдер арасындағы әлем чемпионатының жеңімпаздары 58 миллион теңге пайда тапты

Алматы әкімі әуежайда кепілге алынған қызметкерді құтқарған ер адамға марапатын табыстады

Еске салайық, бұған дейін мемлекет басшысы "Ұлы Отан соғысындағы Жеңіске 80 жыл" медалі туралы Жарлыққа қол қойғанын жаздық. Жарлықтың әзірленуіне ТМД мемлекет басшылары кеңесінің 2024 жылғы 10 маусымдағы "1941-1945 жылдардағы Ұлы Отан соғысының 80 жылдығына арналған бірыңғай мерейтойлық медальді белгілеу туралы" шешімі негіз болғаны айтылған.

Талқылау