"Қазақстаннан кетеміз-ау": Тәуекел Мүсілім екі жыл бұрынғы табысының есебін сұраған салық комитетін сынады

Танымал актер Тәуекел Мүсілім бұрынғы табысының есебін сұраған органдарды сынады. Бұл туралы Stan.kz ақпарат агенттігі хабарлайды. 

Фото: https://vk.com/musilim_take

Кино жұлдызы 2022-2023 жылдардағы ақшасын көрсетуі керек.

 "2022-2023 жылдарға қатысты банктен 5000 теңгеден жоғары қандай ақша түсті, соның бәріне есеп бер деп жатыр. Кімнен түсті, не үшін түсті – соның бәрін сұрап отыр. Сөзім жоқ. Бұл тек 2022-2023 жылдар, алда 2024-2025 жылдары да тұр ғой. Не істейміз? Қазақстаннан кетеміз-ау", – деп жазды актер Instagram stories-те.

• Бағасы 78 миллион теңгеден асатын мүлік алған қазақстандықтар декларация тапсыруға міндеттеледі

• Қазақстанда кімдерге жеңілдетілген декларация бойынша салық төлеуге тыйым салынбақ

Айта кетейік, Мемлекеттік кірістер комитеті қазақстандық блогерлерге салық бойынша хабарламалар жіберді. Оларға жалпы құны 53 миллиард теңгені төлеуге бір ай уақыт берілгенін мәлімдеді. Осыдан соң желіде салықтан жалтарған блогерлердің тізімі пайда болған еді.