Соңғы жаңалықтар
Соңғы жаңалықтар

Қазақстанға футболдан екі дүркін әлем чемпионы Кафу келді

Футболдан Бразилия ұлттық құрамасының капитаны, әлем чемпионатының екі дүркін жеңімпазы Кафу Қазақстанға келді. Бұл туралы Stan.kz ақпарат агенттігі хабарлайды.

Фото: instagram.com/metaratings.kz

Футболшы Алматы қаласында өтіп жатқан халықаралық Meta Sport Forum шарасына келді. Сәуір айының 2-3 күндері өтетін іс-шараға атақты футболшы қадірлі қонақ ретінде шақырылды. 

Футбол әлеміне Кафу лақап атымен танымал бразилиялық қорғаушының шын есімі Маркус Эванжелиста ди Мореас. Қаптал ойыншысы Бразилия құрамасымен әлем чемпионатын екі рет жеңді. Ұлттық құраманың капитаны төрткүл дүние бәсекесінің финалында үш рет ойнаған әлемдегі жалғыз ойыншы. Екі мәрте Либертадорес кубогын, Межконтиненталь кубогын ұтты. Футболдық мансабында өз отанында “Сан-Паулу”, “Жувентуде”, “Палмейрас” командаларында доп тепті. Бралилияның чемпионы атанған қорғаушы кейін Еуропаға сапар шекті. Италияның “Рома”, “Милан” клубтарында ойнады. Миландықтармен Чемпиондар лигасының жеңімпазы атанды. Сондай-ақ ұлттық құрамамен екі рет Америка кубогының чемпионы болды.

Meta Sport Forum – халықаралық спорт және бизнесті дамытуға арналған форум. Кездесуде спорт мамандары көптеген әлемдік футбол клубтарының директорларымен, PR және digital саласының мамандарымен ашық кездесу өткізеді. Сонымен қатар, шара соңында отандық спорттың үздіктері марапатталады. 

Талқылау