16 миллион қазақстандықтардың жеке деректері таралды: Ішкі істер министрлігі қылмыстық іс қозғады
Фото: pixabay.com
Бас прокурордың орынбасары Ғалымжан Қойгелдиев құқық қорғау органдары қазақстандықтардың жеке деректерінің жаппай таралуы фактісі бойынша істі тергеп жатқанын мәлімдеді. Бұл туралы Stan.kz ақпарат агенттігі хабарлайды.
Оның айтуынша, іс Ішкі істер министрлігіне берілген.
"16 миллион қазақстандықтың цифрлық деректерінің таралу фактісі бойынша Қылмыстық кодекстің 147-бабы "Жеке өмірге қолсұғылмаушылықты және қаржылық деректер туралы заңнаманы бұзу" бойынша қылмыстық іс тіркелді. Қылмыстық іс одан әрі тергеу үшін Ішкі істер министрлігіне берілді", – деді Ғалымжан Қойгелдиев.
Кибершабуылдарды талдау және зерттеу орталығы TSARKA 16 маусымда қазақстандықтардың жеке деректері бар 16,3 миллион жазбаның интернетте таралғанын растады. Олардың ішінде толық аты-жөні, туған күні, ЖСН, мекенжайы, үй немесе жұмыс телефон нөмірлері болған.
Осыдан кейін Цифрлық даму министрлігі тексеруді бастады. Цифрлық даму, инновациялар және аэроғарыш өнеркәсібі министрі Жаслан Мәдиевтің айтуынша, таралған деректер 2024 жылғы 1 мамырға дейінгі кезеңге тиесілі. Ал Әділет вице-министрі Бекболат Молдабеков ЖСН мен жеке куәлікті ауыстыру алаяқтардан қорғай алмайтынын атап өтті.
Еске салсақ, 16 миллион қазақстандықтың жеке дерегі тарап кеткені туралы хабарлаған едік.
