Жаңа Салық кодексіне түзетулер енгізілмек: Үкімет ықтимал өзгерістер тізімін жариялады
Қазақстанда Салық кодексінің кейбір нормаларын өзгерістер енгізу қаралып жатыр. Салық кодексін енгізу жөніндегі жобалық кеңсе 60 мәселені қарап, ықтимал түзетулер тізімін жариялады. Бұл туралы Stan.kz ақпарат агенттігі хабарлайды.
Ұсыныстар салық кодексін енгізу жөніндегі жобалық кеңсенің сегізінші отырысында талқыланды. Мұнда салық кодексін қолдануға қатысты 60 мәселе қаралған.
Денсаулық сақтау саласында дәрі-дәрмектер мен медициналық бұйымдарды импорттаудағы қосымша құн салығының қолданылуы және сирек кездесетін әрі әлеуметтік маңызды дәрілерді ҚҚС-тен босату мәселелерін реттейтін ережелерге түзетулер енгізу жұмыстары аяқталуға жақын.
13 ақпанда Денсаулық сақтау министрлігі дәрі-дәрмектер мен медициналық бұйымдарға ҚҚС-ты есептемей, шекті бағаларды орнату туралы бұйрық қабылдаған.
Өнеркәсіп, құрылыс, энергетика, қаржы министрліктері, Табиғи монополияларды реттеу комитеті және "Самұрық-Қазына" жеңілдетілген декларацияны қолданатын салық төлеушілерден тауар, жұмыс және қызмет сатып алу ережелеріне түзетулерді қарастырып жатыр. Мақсат қосымша шығын туғызбай, салық заңнамасын сақтау, өндірістік процестерді реттеу және бәсекелестік ортаны қолдау.
Біртұтас негізді түзетулерді әзірлеуді Салық кодексінің идеологиясына сай Ұлттық экономика министрлігі қалыптастырады. Қалған мәселелер – жаңа әкімшілік рәсімдер, салық режимін өзгерту, қаржы секторы, Ішкі салықтық бақылау және аудит (ИСНА) жұмысы және т.б. – жедел түрде шешілген.
Салық кодексіне енгізілетін негізгі өзгерістер:
Мүгедектік тобы өзгерген жағдайда жеке табыс салығы бойынша шегерім
Мүгедектік тобына байланысты салық шегерімі 5000 немесе 882 АЕК көлемінде есептеледі. Жыл ішінде топ өзгерсе, қандай мөлшерде шегерім қолданылатыны анық емес. Топ өзгергенде ең жоғары шегерім – 5000 АЕК қолданылады.
Несие мен қарыз бойынша электронды шот-фактура (ЭСФ) талаптарын жою
Қазіргі заң бойынша несие, қарыз және микрокредит бойынша төлемдер қосылған құн салығынан (ҚҚС) босатылған. Яғни, бұл операцияларға ҚҚС есептелмейді. Алайда мәтіндегі кейбір редакциялық қателіктер салдарынан осы төлемдер ЭСФ (электронды шот-фактура) тізімінде көрсетілмеген. Бұл дегеніміз, банк немесе салық органдары кейде ЭСФ жазуды талап етуі мүмкін, бірақ заң бойынша ол қажет емес. Түзетуде мұндай операцияларға ЭСФ жазу талаптарын ресми түрде алып тастау ұсынылды. Бұл өзгеріс 2026 жылғы 1 қаңтардан бастап күшіне енуі тиіс.
Салық құпиясына жатпайтын мәліметтер тізімін кеңейту
Құпиялықтан шығатын деректер ішінде:
- әлеуметтік төлемдер сомасы
- әлеуметтік төлемдер бойынша қарыз
- салық төлеушінің кейбір тіркеу деректері бар.
Мақсат – цифрлық әкімшілендіруді жеңілдету және әлеуметтік міндеттерді орындауды оңай ету.
Әуе отынының импортын ҚҚС-тен босату
Қолданыстағы нормалар кейде дипломатиялық өкілдіктер арқылы растама талап етеді. Бұл артық кедергі туғызады. Ұсыныс: норманы нақтылап, түсініспеушілікті жою.
Энергетикалық сусындардың экспортын акцизден босату
Қазір экспортқа шығарылған акцизделетін тауарлар босатылады. Бірақ ұзақмерзімдік өңдеу кезінде өнімді шикізат иесіне бергенде акциз есептеледі. Ұсыныс: экспортқа арналған өнімді босату. Мұндай тәртіп мұнай өнімдерінде қолданылады.
Пайдалы қазбаларды өндіру салығын (НДПИ) өндіру орны бойынша есептеу
Бюджет кодексі пайдалы қазбаларды өндіру салығын өндіру орнының бюджетіне аударуды қарастырады. Ал Салық кодексі оны жер қойнауын пайдаланушы тіркелген жерде төлеуді талап етеді. Ұсыныс: Салық кодексіне түзетулер енгізіп, есеп формаларын сәйкес келтіру.
Әуе отынының импортын ҚҚС-тен босату
Қолданыстағы нормалар кейде дипломатиялық өкілдіктер арқылы растама талап етеді. Бұл артық кедергі тудырады. Ұсыныс: норманы нақтылап, түсініспеушілікті жою.
"Дәрінің құны 1,5 миллиард теңге": Бұлшықеті әлсіз қазақстандық бүлдіршінге денсаулық сақтау министрлігі көмек көрсетуден бас тартқан
