Activ/Kcell клиенттеріне тарифтердің бағасы көтермейтіндігі туралы хабарламалар жіберілді. Kcell компаниясы 21 сәуірден бастап бағаға өзгеріс енгізуді жоспарлаған. Алайда Activ-тің 10 танымал тарифтік жоспарының бағасын көтермеу туралы шешім қабылдағаны белгілі болды.

"Байланыс сапасы мен қолайлы тарифтер компания үшін басымдыққа ие. Біз абоненттер үшін тек байланыс сапасы ғана емес, сонымен қатар тиімді тарифтік жоспарларды ұсыну да маңызды екенін түсінеміз", – деп мәлімдеді компания өкілдері.

Бағаны келісіп көтерген: Қазақстандағы ұялы байланыс операторларына қатысты тергеу басталды

Ал Beeline баспасөз қызметі ұялы байланыс тарифтері ақпан айында қымбаттағанын, одан кейін өзгерістер болмағанын хабарлаған.

"Beeline Қазақстан компаниясының байланыс қызметтерінің тарифтерінде ешқандай өзгеріс болған жоқ. Біз кез келген жаңашылдықты заң талаптарына сәйкес 30 күн бұрын міндетті түрде жариялаймыз", – делінген хабарламада.

Ал Tele2 компаниясы әрдайым нарықтағы басқа ойыншылардан тәуелсіз әрекет ететінін мәлімдеді.

"Қазір біз үшін клиенттеріміздің өз тарифтерінің тиімді екенін білуі маңызды", – деді Tele2 өкілдері.

Еске салсақ, Қазақстандағы ұялы байланыс операторлары 21 сәуірден бастап қызмет құнын арттыратыны туралы жазғанбыз.

Талқылау