Қазақстандықтар депозит ашпай-ақ банктерден пайыз ала алады
Фото: depositphotos.com
Мәжіліс депутаттардың қаржылық қызметтерді жақсартуға бағытталған түзетулерін қолдады. Бұл туралы Stan.kz ақпарат агенттігі хабарлайды.
Мәжіліс “Банктер және банк қызметі туралы” заңды және оған қоса қаржы нарығын реттеу мен дамытуға енгізілген түзетулерді екінші оқылымда қабылдады.
Түзетулер банктердің Қазақстан азаматтары мен заңды тұлғалардың ағымдағы шоттарына пайыз есептеуіне рұқсат береді.
Бір банктен екінші банкке ақша аударғанда ұсталатын комиссия құны өспек
Егер түзетулер сенат тарапынан мақұлданып, мемлекет басшысы қол қойса, Қазақстан азаматтары банктерден тек депозиттер бойынша ғана емес, сонымен қатар кәдімгі шоттары бойынша да пайыз ала алады. Жылына 1% шегі белгіленді.
Депутаттар бұл шара қолма-қол ақшасыз жинақтардың тартымдылығын арттыратынын және банктер арасындағы бәсекелестікті ынталандыратынын атап өтті.
Еске салсақ, осыған дейін барлық банктерге арналған бірыңғай QR-код және бір уақытта бірнеше жедел несиені рәсімдеуге тыйым салынатынын жазғанбыз.
“Не үшін тудық, не үшін бақтық?”: Ата-ананың балаға өзін асырау міндетін жүктеуі қазақстандықтар арасында қызу талқыланды
