Қазақстандық Закир Найманбаев Power Slap рейтингісінде бесінші орынға көтеріліп, чемпиондық жекпе-жекке жақындады
Қазақстандық шапалақтасу (slap fighting) спортшысы Закир Найманбаев Power Slap ұйымының ауыр салмақтағы рейтингінде бесінші орынға көтеріліп, чемпиондық белбеу үшін күресуге бір қадам жақындады. Бұл туралы Stan.kz ақпарат агенттігі хабарлайды.
АҚШ-тың Жаңа Орлеан қаласында өткен Power Slap 14 турнирінде Найманбаев америкалық Купер Хауслиді бір соққымен сұлатып, айқын жеңіске жетті. Бұл — оның Power Slap аясындағы үшінші жекпе-жегіндегі екінші жеңісі.
Осыған дейін, 30 қаңтарда ол дат спортшысы Троэль Нильсенді нокаутқа жіберіп, 10 мың доллар көлемінде бонусты иеленген болатын. Ал 28 маусым күні Закир америкалық Брайс Джонсонды алғашқы соққымен нокаутқа түсіргенімен, ережені бұзғаны үшін дисквалификацияға ұшырады.
Дегенмен, Найманбаевтың әсерлі өнері жанкүйерлер мен ұйымдастырушылардың назарын аударды. Power Slap ұйымының ресми аккаунты хабарлағандай, енді қазақстандық спортшы чемпиондық титул үшін жекпе-жекке өте жақын.
Еміне 1,5 миллиард теңге қажет: Қазақстандық 7 жасар баланың бұлшықеттері әлсізденіп, жүруі қиындаған
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"