Қазақстандық теннисші Португалиядағы турнирдің жеңімпазы атанды
Қазақстандық теннисші Жібек Құламбаева Португалиядағы ITF W35 турнирінің жеңімпазы атанды. Бұл туралы Stan.kz ақпарат агенттігі хабарлайды.
Фото: ҰОК
Қазақстандық теннисші Жібек Құламбаева Беларусь спортшысы Юлия Готовкомен жұптасып, Португалияда өткен ITF W35 турнирінде жеңіске жетті. Жібек пен Юлия финалда ресейлік Полина Яценко мен бельгиялық Ханне Вандевинкель жұбын 6:3, 1:6, 10:4 есебімен жеңді. 24 жастағы Жібек Құламбаева мансабында Халықаралық теннис федерациясы (ITF) аясында өткен жарыстарда жеке сында 5 рет, ал жұптық сында 32 мәрте жеңіске жетіп, жалпы 37 жүлдеге қол жеткізді.
Айта кетейік, бұған дейін Жібек Құламбаева Аргентинада өткен ITF W50 турнирінің ширек финалына дейін жеткенін жазған едік.
Талқылау