Мереке аяқталысымен қазақстандық арулар сыйлыққа алған сертификаттары мен құшақ-құшақ гүлдерін жаппай сатып жатыр. Бірі хабарландыруға қауызы ашылмаған гүлдерін қойса, енді бірі түрлі сомадағы сертификаттарды жариялап жатыр.

“Әдемі гүл шоғын сатамын, қауызы ашылмаған. Балғын гүлдер”, – деп жазыпты автор.

Ең көп сатылып жатқаны түрлі дүкендерге, түрлі бағадағы сертификаттар. Тіпті жеңілдікпен сатып жатқандар да бар. Қажетсіз деп тапқан сертификаттың жарнамасы да керемет.

“Жігіттер, 8 наурызға ең керемет сыйлық – иіссу емес. Сүйіктіңізді, анаңызды немесе қарындасыңызыды шын қуантқыңыз келе ме? Күтімге арналған сыйлық сертификаты – жай сыйлық емес. Өзіне арналған сәтте олар расымен бағалайды”, – делінген хабарландыруда.

Брендтік заттар алуға болатын 100 мың теңгенің сертификатын жеңілдікпен 85 мың теңгеге сатылып жатыр. Автор сыйлық сертификатының жаңа екенін айтады. Сертификаттың жарамдылық мерзімін де көрсетуді ұмытпапты.

"8 наурызды посткеңес елдерде ғана қыздарға гүл беріп, атап өтеді": Шетелде мансап құрған қазақ қыздары қызметі, өмірі және қазақ әйелі туралы

“Ешкімге айтпай ұялып жүрсем, анам теледидардан құттықтады”: 8 наурызда туған қазақстандық ер азаматтар қызық оқиғаларын бөлісті

Бұған дейін отандық шоу-бизнестегі жігіттер әйелдеріне қандай сыйлық дайындап жатқанын айтқан еді.

Талқылау