Қазақстандағы әскери оқу орындарына eGov арқылы түсуге болады
Фото: gov.kz
Қазақстан азаматтары әскери оқу орындарына әскери комиссариаттарға бармай-ақ қабылдана алады. Бұл туралы Қорғаныс министрлігінің Әскери білім және ғылым департаментінің бастығы, полковник Мұрат Олжабаев Ортаық коммуникациялар қызметінде өткен брифингте мәлімдеді. Бұл туралы Stan.kz ақпарат агенттігі хабарлады.
2025 жылдан бастап жоғары әскери оқу орындарына eGov порталы арқылы онлайн түсуге болады. Министрлік өкілінің айтуынша, жаңа жүйе өтініш беру процесін жеңілдетіп, жергілікті әскери басқару органына бару қажеттілігін жойды.
"Жоғары әскери оқу орнына түскісі келетін азамат үйден шықпай-ақ eGov порталында тіркеліп, барлық қажетті деректер — денсаулық жағдайы, шақырудың болуы, психикалық күйі және тағы басқа ақпарат автоматты түрде порталдан алынып, оқу орнына жіберіледі", - деді Олжабаев.
Ол сондай-ақ, осылайша абитуриент таңдалған оқу орнында тікелей тіркелетінін, әскери комиссариаттарды айналып өтетінін атап өтті.
Брифингте Олжабаев Қазақстан мектептерінде әскери дайындық сағаттарының санын арттыратынын да хабарлады.
Талқылау
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
Қыстағы лас ауа деңгейі айына 70 темекі түтінін жұтқанмен тең
Бір айда самокат айдаған 6,5 мың адамға айыппұл салынған: Қазақстандық кикшеринг иелері тәртіп бұзғандарды қалай жазалайды?
Самокатты жоғалтса, 195 000 мен 840 000 теңге аралығында айыппұл салынады