Қазақстанда жылдың соңына дейін коммуналдық қызметтер тарифтері қымбаттамайды

Фото: Shutterstock.com

Қазақстанда тұрғындарға арналған коммуналдық қызметтердің тарифтері 2025 жылдың соңына дейін көтерілмейді. Мемлекет инфляцияны тежеу және әлеуметтік маңызды салаларды қолдау шараларын жалғастыратынын мәлімдеді. Бұл туралы Stan.kz ақпарат агенттігі хабарлайды. 

Ұлттық экономика министрлігінің табиғи монополияларды реттеу комитетінің мәліметінше, мемлекет инфляция деңгейін 10–11% шегінде ұстап отыр. Арнайы назар әлеуметтік маңызды салаларға аударылып, бағаның өсуі әкімшілік шаралармен шектеледі.

Тарифтер тоқтатылғанымен, жөндеу және жаңғырту жұмыстары жоспар бойынша жүргізіліп жатыр. 2025 жылы қажетті жалпы инвестиция көлемі 643 миллиард теңге болады. Бұл қаражат ел бойынша 8 542 шақырым инженерлік желілерді жөндеуге бағытталған. Барлық сатып алу рәсімдері аяқталған, құрылыс және жөндеу жұмыстары бекітілген маусымдық кестеге сәйкес жүргізіледі.

Тарифтердің өсуін тежеудің бір құралы ретінде ұзақмерзімді қаржыландыру қолданылып, бұрын жоспарланған түзетулер кейінге қалдырылды. Қазіргі уақытта табиғи монополия субъектілерінен тарифтерді қайта қарау туралы жаңа өтінімдер жасалмайды, бұл азаматтарға қосымша жүктеме болмайтынын білдіреді.

Төмен кірісті отбасылар үшін тұрғын үй көмегі механизмі сақталады. Егер коммуналдық төлемдер табыстың 5-10% болса, айырма әкімдік бюджеті есебінен өтеледі. Бұл әлеуметтік әлсіз азаматтарды бағытталған түрде қолдауға мүмкіндік береді.

1 қазаннан бастап алматылықтар үшін электр энергиясы 20% қымбаттайды

Қазақстандықтар үшін коммуналдық қызмет ақысы жыл сайын өседі: Ол АЕК-ға байланысты болады

Еске салайық, бұған дейін Қазақстанда 13 қыркүйектен бастап әрбір адамның тәуліктік су нормасы 140 литр деп бекітілді. Егер бір адам бұл нормадан асыра пайдаланса, тариф 30% өседі. Жаңа ереже суды үнемдеуді ынталандыру мақсатында қабылданған. Сарапшылардың пікірінше, 140 литр – қаладағы күнделікті тұрмыстық қажеттілік үшін жеткілікті көлем, бірақ кей мамандар оны көп деп санайды. Әлемнің бірнеше елінде ұқсас нормалар қолданылады, мысалы, Швецияда – 140 литр, Ұлыбританияда – 142 литр.