Қазақстанда телефондардың IMEI-верификациясымен айналысу үшін тағы бір компания өтінім берді
Фото: pixabay.com
Ақпарат және цифрлық даму министрлігі Қазақстанда IMEI-верификация қызметін көрсететін тағы бір оператор пайда болатынын мәлімдеді. Оның тарифтерін мемлекет бақылайтын болады. Бұл туралы Stan.kz ақпарат агенттігі Kazinform порталына сілтеме жасап хабарлайды.
Бұл қызметті "Мемлекеттік радиожиілік қызметі" республикалық мемлекеттік кәсіпорны атқарады.
“Қазір верификация қызметін көрсетуге екінші компания өтінім берді. Болашақта "Мемлекеттік радиожиілік қызметі" бұл қызметті өз күшімен атқаратын болады”, – деді министрліктің баспасөз қызметінің жетекшісі Айнұр Әльмұханова.
Бұл компания – тарифтері мемлекет тарапынан реттелетін жалғыз оператор болмақ. Министрліктің мәліметінше, алдағы уақытта нарықта тағы бірнеше оператордың пайда болуы күтілуде. Бұл қызмет сапасын арттырып, кідіріс тәуекелін азайтуға көмектеседі.
-
Бектенов дәрі-дәрмек бағасының негізсіз өсуіне жол бермеуді тапсырды
-
2011 жылдан бері қазақстандықтардың жалақысы доллармен есептегенде екі есе төмендеген
“Басқа операторлардың тарифтері бәсекелестік негізде қалыптасады. Бұл нарықтағы әділ бәсекенің дамуына ықпал етеді”, – деп түсіндірді министрлік.
Қазір Қазақстанда IMEI-верификациямен тек бір компания – "ATS Mediafon KZ" ЖШС айналысады. Ол ашық конкурс нәтижесінде оператор болып таңдалған.
