Қазақстанда Ресей азаматтығын алғаны туралы ақпаратты жасырған үш әйелге айыппұл салынды
Қазақстанда Ресей азаматтығын алғаны туралы ақпаратты жасырған үш әйелге айыппұл салынды деп хабарлайды Stan.kz ақпарат агенттігі. Бұл туралы Көліктегі полиция басқармасы бастығының бірінші орынбасары Мадияр Айтуғанов мәлімдеді.
Полицейлер мен Ұлттық қауіпсіздік комитетінің шекарашылары Қарағанды әуежайында 26, 45 және 51 жастағы әйелдерді ұстады. Тексеру барысында ұсталғандардың Қазақстан Республикасы мен Ресей Федерациясының қос азаматтығы бар екені анықталды, дейді ол.
"Қарағанды қаласы Қазыбек би аудандық сотының қаулысымен әйелдер 428 820 теңге көлемінде әкімшілік айыппұл түріндегі жауапкершілікке тартылды", - деп қосты Айтуғанов.
Полиция қызметкерлері ҚР ӘҚБтК-нің "Шетел азаматтығын алу фактісі туралы Қазақстан Республикасының заңнамасында белгіленген мерзімде хабарламау" бабы бойынша әкімшілік хаттама толтырған.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген