Қазақстанда жедел жәрдем қызметкерлерінің жалақыларын көтеру қарастырылып жатыр
Фото: depositphotos.com
Денсаулық сақтау министрінің бірінші орынбасары Тимур Сұлтанғазиев қазақстандық фельдшерлердің жалақыны көтеру туралы айтты. Бұл туралы Stan.kz ақпарат агенттігі хабарлайды.
“Қазіргі уақытта жалақыны көтеру мәселесі қарастырылуда. Биыл жедел медициналық көмек қызметіне қосымша 5 миллиард теңге бөлінді”, – деді министрдің орынбасары.
Ол келесі жылға жалақыны көтеру бойынша есептеулер жүргізіліп жатқанын нақтылады. Алдын ала бағалаулар бойынша, бұл мақсатқа шамамен 10 миллиард теңге қажет болуы мүмкін. Дегенмен, соңғы шешім әлі қабылданған жоқ.
Павлодар облысында әкім фельдшерді соққыға жықты
Осыған дейін Жамбыл облысы Төле би ауылының фельдшерлері құжатта көрсетілген жалақыдан әлдеқайда аз алатындарын айтып шағымданған еді. Құжат бойынша жалақы 400 000-450 000 теңге деп көрсетілгенімен фельдшерлерге шамамен 180 000 теңге төленіп келген.
Оған қоса, Теміртау қаласының жедел жәрдем қызметкерлері Тоқаев пен денсаулық сақтау министріне жүгінген еді. Олар биліктен шектен тыс ауыр жұмыс істейтінін айтып, жалақысын көтеруді сұрады.
"Шетелдіктер 4250 теңге төлеп, отандастармен тең құқылы қызмет алады": Қазақстандықтар сырттан келгендердің медициналық көмекті тегін алатынына наразы
