Қазақстанда енді жұмыссыз әкелердің де декреттік демалысқа шыққан уақыты еңбек өтіліне есептеледі
Қазақстанда енді декреттік демалысқа шыққан әкелердің де балаға күтім жасаған уақыты еңбек өтіліне есептелетін болады. Бұл туралы Stan.kz ақпарат агенттігі хабарлайды.
Жаңа заңға сәйкес, кәмелетке толмаған балаларына өзі күтім жасаған, бірақ ресми жұмыс істемеген әкелердің бұл уақыты енді зейнетақы тағайындау кезінде еңбек өтілі ретінде есептеледі. Бұл өзгерістер Конституциялық соттың шешімін орындау үшін Әлеуметтік кодекске енгізіледі.
Сондай-ақ депутаттардың ұсынысымен жұмыс берушілерге жалғызбасты ата-аналарды (әйел не ер адам болуына қарамастан) өз бастамасымен жұмыстан шығаруға тыйым салынады. Осыған байланысты заңдағы "жалғызбасты аналар" деген ұғым "жалғызбасты ата-ана" деп өзгертіледі.
-
Әскерилердің отбасына жылына бір рет Қазақстанда пойызбен тегін жүруге рұқсат беріледі
-
Қазақстанда 2026 жылдан бастап әлеуметтік төлемдер мен жәрдемақылар қалай өзгереді?
Бұдан бөлек, мәслихаттарға "Облыстың, қаланың немесе ауданның Құрметті азаматы" атағын беру тәртібін әзірлеп, бекіту құқығы беріледі.
Танымал продюсер еңбек өтілін дәлелдей алмағандықтан зейнетке шыға алмай жүр
