Қазақстанда дистрибьюторлар мен дилерлер үшін салық 3-тен 12%-ға дейін өспек
Дистрибьюторлар мен дилерлер үшін салық 3-тен 12 пайызға дейін өсуі мүмкін. Мұндай өзгерістер жаңа салық кодексінде ұсынылып отыр. Дегенмен бұл ұсыныспен бизнес өкілдері келіспейді. Олардың айтуынша, мұның соңы тауарлардың қымбаттауына алып келеді және тұтынушылар зардап шегеді. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды.
Фото: pixabay
Қазақстанда B2B, яғни заңды тұлғалар мен сату секторы үшін салық мөлшерлемелері көтерілуі мүмкін. Бұл сауда тізбегіндегі аралық буындар – дистрибьюторлар мен дүкендер.
- "Дубайда 3000 пәтер бар": Не себепті шетелдегі мүлкі үшін Қазақстандық олигархтарға салық салынбайды
"Атамекен" Ұлттық кәсіпкерлер палатасы төрағасының орынбасарының айтуынша, жаңа тарифтер қолданыстағы жеткізу тізбегіне әсер етіп, кәсіпкерлерді жұмыс тетіктерін қайта қарауға мәжбүр етеді. Тарифтерді 3-тен 12%-ға дейін арттыруды көздейтін жаңа салық режимі кірістерді жасыруға қарсы күресті күшейтуге арналған.
“Дәл осы бөлікті күшейту керек деп есептейміз. Бірақ мұндай орасан зор жылдамдықпен 12% кислородты жоғалту шамадан тыс. Қазір жаңа Салық кодексін қарау аясында депутаттарды жағдайға араласып, бұл мөлшерлемені түзетуге көндіруге тырысамыз”, – деді "Атамекен" Ұлттық кәсіпкерлер палатасы төрағасының орынбасары Тимур Жаркенов.
Кәсіпкерлердің сөзінше, жаңа мөлшерлеме енгізілсе баға саясатын қайта қарауға немесе жаңа жеткізушілер іздеуге тура келеді.
“Кәсіпкерлер бұған наразылығын білдіріп, қол жинап жатыр. Қызметкерлердің жалақысы бар, үй-жайды жалға алу сынды шығындарымыз көбейіп жатыр. Әдетте мұндай жағдайда кірістер өспейді, сондықтан біздің кәсіпкерлер наразы”, – деді бухгалтер Александра Томашевич.
Экономистер салықты көтеру кәсіпкерлерге айтарлықтай кері әсер етпейтінін айтты. Негізгі салдары бағаның өсуі. Бірақ ол барлық салаларда біркелкі болмайды дейді.
“Сұраныс өсетін бөлігінде баға өзгереді. Ал сұраныс аз жерде бір санаттағы баға сақталады. Ал өсім көп жерде баға міндетті түрде өседі”, – деді қаржы сарапшысы Арман Бейсембаев.
Бұл ретте өскен салықты төлемеу бизнестің бір бөлігін көлеңкеге түсіруі мүмкін.
Айта кетейік, бұған дейін Мәжілісте Азат Перуашев бастаған “Ақ жол” партиясының бірқатар депутаттары премьер-министрге сауал жолдап, елде салықтардың бірін төмендетуді ұсынған еді.