Қазақстанда 1 наурыздан бастап жүк көліктерінің қозғалысына шектеу қойылады
Қазақстанда көктемгі кезеңде республикалық маңызы бар автожолдарды сақтау мақсатында ауыр жүк көліктерінің қозғалысына уақытша шектеу енгізіледі. Бұл туралы Stan.kz ақпарат агенттігі хабарлайды.
Фото: pixabay.com
"ҚазАвтоЖол" ҰК" АҚ мәліметінше, 2025 жылғы 1 наурыздан 1 сәуірге дейін жеке білікке түсетін жүктемесі 8 тоннадан артық көліктерге "бесінші жол климаттық аймаққа" жататын келесі облыстарда жүруге тыйым салынады:
• Алматы облысы
• Атырау облысы
• Жамбыл облысы
• Ұлытау облысы
• Қызылорда облысы
• Маңғыстау облысы
• Жетісу облысы
• Түркістан облысы
Мас күйде көлік жүргізгендерге жазаны жеңілдету: Ішкі істер министрлігі ұсынысқа қарсы шықты
Алайда халықаралық жүк және жолаушылар тасымалына, төтенше жағдайлар мен олардың салдарын алдын алу және оларды жою жөніндегі іс-шараларды жүзеге асыратын көліктерге, гуманитарлық көмек көрсететін, азық-түліктерді, дәрі-дәрмектерді, жолаушылар мен багаж тасымалын жүзеге асыратын көліктерге, жол-құрылыс жұмыстарына пайдаланылатын көліктерге бұл шектеулер қойылмайды.
Еске салсақ, осыған дейін Алматының кей бөлігіне ескі автокөліктермен кіруге шектеу енгізу ұсынылған еді.