Біржановтың айтуынша, бұл шешім ұлттық банкпен бірлесіп қабылданған. Қазір тек техникалық жүзеге асыру мәселесі қарастырылып жатыр. Банктерден жауап алынып, жақын арада осы жүйе іске қосылады. Мемлекеттік кірістер комитеті 2022 жылдан бастап мобильді аударымдар тексерілетінін айтады. Себебі кәсіпкерлер "аударыммен төлеңіз" схемасын қолданбай, салық төлемеу үшін ақша алып жатыр.

Қолданыстағы жүйе туралы толығырақ:

Егер үш ай бойы сізге 100 әртүрлі нөмірден ақша аударылса, сіз мүмкін болатын адал емес кәсіпкер болып есептелесіз.
Сіздің деректеріңізді банктер салық органдарына жіберуге міндетті.

Жаңа өзгеріс:

Енді шектеу енгізіледі. Үш айда сіздің шотыңызға келіп түскен жалпы аударым сомасы 1,02 миллион теңгеден асса ғана сіздің деректеріңіз салық органдарына жіберіледі.
Мысалы, егер сіз базарда күнбағыс дәнін сатсаңыз және төлемдер аударым арқылы болса, сізге назар аударылмайды. Өйткені үш айда миллион теңге табыс табуыңыз екіталай.

"Қаржы министрінің тиісті бұйрығы қазір Ұлттық банктің қарауында", – деп хабарлады Мемлекеттік кірістер комитеті.

Енді елімізде тұтынушыдан қолма-қол ақша талап ететіндер айыппұл төлейді

Мобильді аударымдар садақаға, қайырымдылыққа, емге жиналатын қаржыға қалай әсер ететіні айтылды

Еске салайық, бұған дейін "Ақ жол" партиясының депутаттары ұлттық экономика министрі Серік Жұманғариннің атына депутаттық сауал жолдады. Олар мобильді аударымдарды тексеру үшін белгіленген шекті қайта қарау қажет екенін ұсынды. "Ақ жол" партиясы басшысының сөзінен мәжілісмендердің азаматтардың мобильді аударымдарын бақылау әдістеріне көңілі толмайтыны анық болды. Перуашев мобильді аударымдарды бақылаудың бизнеске қысым түсірмейтін, анағұрлым либералды баламалары бар екенін айтты.

Талқылау