Қазақстан футболындағы жемқорлық: Қаржылық мониторинг агенттігінің өкілі 2 миллиард теңге өтелгенін мәлімдеді
Футбол: pixabay.com
Қаржылық мониторинг агенттігі төрағасының орынбасары Жеңіс Елемесов Қазақстан футбол федерациясындағы заңбұзушылықтарды тексеру барысы туралы айтты. Бұл туралы Stan.kz ақпарат агенттігі хабарлайды.
Бұған дейін Бас прокуратура тексеру нәтижесінде Қазақстан футбол федерациясы мен бірқатар футбол клубында 3 млрд теңге көлемінде қаржылық бұзушылықтар анықталғанын мәлімдеген еді.
28 мамырда Елемесов мәжіліс кулуарында қаржының бір бөлігі өтелгенін хабарлады.
"Бір ғана айтарым, осы қылмыстық іс аясында екі миллиард теңгеге жуық шығын өтелді", – деді агенттік төрағасының орынбасары.
Айта кетейік, бұған дейін Қаржылық мониторинг агенттігі өкілдері Қазақстан футбол федерациясының бұрынғы басшылығына қатысты сотқа дейінгі тергеуді бастағанын хабарлаған еді.
Сондай-ақ бүгінгі сөзінде Елемесов футбол федерациясының бұрынғы басшысы Әділет Барменқұлов бұл іске күдікті ретінде тартылмағанын атап өтті.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген