Қазақ тілінде сауал қойған журналисті келемеждеген Станислав Черчесовке 738 мың теңге айыппұл салынды
Футболдан Қазақстан ұлттық құрамасының бас бапкері Станислав Черчесовке қазақ тіліне қатысты сөйлеген сөзі үшін айыппұл салынды. Бұл туралы Stan.kz ақпарат агенттігі хабарлайды.
Бас бапкерге қазақ тілінде сауал қойған журналисті мазақ еткені үшін 200 АЕК немесе 738 400 теңге көлемінде айыппұл салынған.
"Черчесовтің әзілдері кейде шектен шығып кетеді. Онымен жеке сөйлесіп, мемлекеттік тілдің өзектілігі мен басымдығын түсіндірдім. Онымен әңгімелесіп, жұмыс істедік. Оған айыппұл салынды", – деді Қазақстан футбол федерациясының президенті Әділет Барменқұлов.
Еске салсақ, бұған дейін футболдан Қазақстан ұлттық құрамасының бас бапкері Станислав Черчесов қазақ тілінде сұрақ қойған тілшіні "сен француз тілінді сөйлеп тұрсың ба?" деп келемеждегені туралы жазған едік.
Апатты, асханасыз, спортзалсыз мектептер: Қазақстандық ауыл оқушылары қандай мектептерде оқып жүр?
Тұрғынның сөзінше, мектептің қабырғалары жарылып, едені шіріп кеткен, жауын-шашынды күндері төбеден су ағады
"Жүрегім Қазақстан деп соғады": Елімізді ұнатып қалған үндістандық боксшы енді Қазақстан атынан сынға түспек
Қазақстан оған тек спорттық мүмкіндік берген мекен емес, жүрегіне жақын елге айналған