Қазақ бапкері баптайтын тунистік таеквондошы олимпиада жүлдегері атанды
Қазақ бапкері Есбол Сұлтанов жаттықтыратын тунистік таеквондошы олимпиада ойындарының қола жүлдегері атанды. Бұл туралы Stan.kz ақпарат агенттігі хабарлайды.
Фото: Alex Pantling/Getty Images
Есбол Сұлтанов баптайтын Тунис құрамасының таеквондошысы Мохамед Халиль Жендуби Париж олимпиадасында үздіктер қатарынан көрінді. Ерлер арасында 58 келі салмақта сынға түскен спортшы жартылай финалда корейлік Таежун Парктен жеңіліп, қола жүлдені қанағат тұтты.Сондай-ақ Есбол Сұлтанов жаттықтыратын Тунис елінің 4 таеквондошысы Париж олимпидасында жолдама алған. Өкінішке қарай, бұл салмақта сынға түскен қазақстандық Самирхон Абабакиров алғашқы айналымда италиялық Вито Делль'аквиладан жеңіліп қалған еді.
Айта кетейік, Есбол Сұлтанов Қазақстан құрамасының сапында 2007 жылы Бейжіңде өткен әлем чемпионатына қатысқан. Одан бөлек, таеквондошы 2006 жылы Дохада өткен Азия ойындарында да өнер көрсеткен болатын.
Ата-анамызды асырауға міндеттіміз бе? Бұл сұрақ қазақстандықтардың пікірін екіге бөлді
Желі қолданушысы: “Міндетті емес, бала “мені өмірге әкел” деп ешкімнен өтінген жоқ”
"Біреуді суға батырып жіберсе не болады": Қазақстандықтар мектептерде жүзу сабағының енгізілуіне алаңдаушылық білдірді
Бюджетте бұл мақсатқа қаржы қарастырылмаған және инфрақұрылымның дайындық деңгейі де бағаланбаған