Қайырымды жастар науқас баланы сүйікті әншісі Тиматимен кездестірді
“Клуб добряков Астаны” тобының жазылушылары Тимати мен балалар үйіндегі науқас баланың кездесуін ұйымдастырды.
Бұл туралы Клуб добряков Астаны тобының Инстаграмдағы парақшасында жарияланды.
Бұған дейін топта Қарағандыдағы балалар үйінің тәрбиеленушісі Олег Құсманбеттің онкологиялық дерттен емделуге келетіні жхабарланған.
“Оны пойыздан күтіп алып Ана мен бала орталығына жеткізіп салатын адам бар ма?”, – деп жазған еді топтағылар.
Жақында науқас балаға Тиматидің концертіне билет берілгені белгілі болды.
“Маған Тиматиден концерт барысында сахнада тұрып Олегке тілек айтып, сауығуын тілеуін сұрайык деген ой келген еді. Енді мұным ойлағанымнан да жақсы өтіпті. Олег кумирімен бетпе бет кездесті. Өте қуаныштымын”, – деп жазады қолданушының бірі ұйымдастырушы Азатқа алғысын білдіре отырып.
Талқылау