Қайрат Нұртастың туған күніне Назарбаевтың немересі келді

Қайрат Нұртас 32 жасқа толды. Әнші туған күнін ауқымды кеш етіп жасаған жоқ. Алайда кеште Нұрәлі Әлиев қонақ болды.

Қайрат Нұртас 25 ақпан күні 32 жасқа толды. Әнші туған күн кешінде Нұрәлі Әлиевпен бірге түскен фотосын жариялады.

"Бүгінгі кештен естелік" , - деген жазба қалдырды Қайрат фото анықтамасында.

Көпшілік таң-тамаша болып, туған күннің қалай өткенін сұрап жатыр. Енді бірі әншіні туған күнімен құттықтап, ақ тілегін арнады. 

"Туған күніңіз құтты болсын", "Жаңа жасыңыз құтты болсын, жастан жасқа жетіңіз", "Мерейіңіз арта берсін", "Нұрәлі Әлиев келді ме туған күніңізге?", "Қанда қарапайым жігіттер", "Басқа ешкімді шақырмадыңыздар ма?", "Өздері атап өткен шығар", "Айналаңыз жақсы адамдарға толы болсын", - деп жазды желі қолданушылары. 

"Туған күніңмен, Қайрош! Армандарыңа жете бер! Ес Ағаң екеуміз тілекшіміз", - де жазды айтыскер Сара Тоқтамысова.

• Аргония: Балағаттағаным үшін Қайрат Нұртас екеуміздің арамызға дақ түсті (видео)


• Бізді мектепте "Қозы көрпеш Баян сұлу" деп атайтын: Гүлзира Айдарбекова ең алғашқы махаббаты жайлы айтты

"Құтты болсын, досым", - деп жазды Серік Ибрагимов. 

Қайрат Нұртас туған күнінде өзін өмірге әкелген ата-анасына алғысын айтты.

"Бүгін мені емес, мені дүниеге әкелген ата-анамды құттықтайтын күн. Яғни барша құттықтаушылармен бірге қосыла мынадай тілек-лебізімді білдіргім келеді: Әке, сіздің қабағыңыз - менің өмірлік сабағым. Сүрінген шағымда жасып кетпеуді, көтерілген шағымда тасып кетпеуді үйреттіңіз! Сол себепті өмірлік сабағымның алғашқы ұстазы - Сізсіз! Сізге мың алғыс!

Ана, сіздің жанарыңыз - өмірлік қамалым. Қуанған шағымда менен бұрын қуандыңыз,  мұңайған шағымда менен бұрын мұңайдыңыз! Бойымды жамандықтан сақтандырып, ойымды жақсылыққа аттандырдыңыз! Сондықтан да өмірлік қамалымның ең мықты қорғаны - Сізсіз! Сізге алғысым шексіз!Сіздер барда Қайраттың қайраты таусылмайды!", - деп жазды.