Фото: “Қайрат” ФК
“Қайрат” футбол клубы “Реал Мадридке” қарсы Чемпиондар лигасы матчының билеттері туралы әлеуметтік желілерде тараған ақпаратқа байланысты ресми мәлімдеме жасады. Бұл туралы Stan.kzақпарат агенттігі хабарлайды.
Клуб өкілдері билеттерді брондау немесе сату туралы таралған хабарландырулардың жалған екенін айтты.
“Билетке қатысты жалғыз ресми дереккөздер — клубтың ресми сайты мен “Қайрат” ФК-ның әлеуметтік желідегі ресми парақшалары. Қазір билеттің сатылымға шығу күні мен бағасы бекітілген жоқ. Жанкүйерлерден бөгде хабарландыруларға сенбеулерін және билетті бейресми арналар арқылы сатып алмауларын қатаң түрде сұраймыз”, — деп хабарлады клубтың баспасөз қызметі.
Еске салайық, бұған дейін 30 қыркүйек күні өтетін “Қайрат – Реал Мадрид” ойынына билеттердің бағасы 236 мыңнан басталып сатылып жатқаны тураы жазған едік.
