Қазақстан коронавирусқа қарсы тағы 12 млн вакцина сатып алмақ
Денсаулық сақтау министрі Алексей Цой үкімет отырысы барысында вакцинациялау және халықты вакцинамен қамтамасыз ету туралы ақпаратпен бөлісті, деп хабарлайды Stan.kz ақпарат агенттігі.
"Сәуір айынан бастап халықтың осал топтарын (созылмалы аурулары бар адамдар, 65 жастан асқан адамдар және халықтың басқа да топтары) вакцинациялауды бастау жоспарлануда. Келіп түсетін вакцина көлемінің ай сайын ұлғаюын ескере отырып, аумақ әкімдері вакцинаны сақтау және тасымалдау шарттарын сақтай отырып, қосымша егу кабинеттерін өрістетуді, тиісті халықты вакцинациялауды жүргізуді кеңейту үшін даярланған мамандармен қамтамасыз етуі қажет", - дейді Алексей Цой.
Бүгінгі күні вакцинация жүргізу үшін 347 егу пункті жұмылдырылды, бүгінгі күні 76 188 азамат егілді. Наурыз айының соңына дейін сәуір айынан бастап жеткізілім көлемінің едәуір артуымен 180 000 доза вакцина жеткізіледі деп күтілуде.
"Халықты КВИ-ға қарсы профилактикалық екпелермен қамтудың қажетті деңгейіне қол жеткізу ұжымдық иммунитетті қалыптастыруға және инфекцияның таралуын болдырмауға мүмкіндік береді. Қазақстанда вакцина өндірушілермен жүргізілген келіссөздерді ескере отырып, ағымдағы жылы вакцинаны жеткізуді ескере отырып, шамамен 12 млн.доза вакцина алу жоспарлануда", - дейді министр.