Каспий құбыр консорциумына тағы да шабуыл жасалды: Маңызды бір құрылғы зақымданды

Фото: Elements.envato.com

Каспий құбыр консорциумының Теңіз терминалына тағы бір шабуыл жасалып, салдарынан сыртқы айлақтық құрылғы ауыр зақымданды. Бұл туралы Stan.kz ақпарат агенттігі хабарлайды. 

Баспасөз қызметінің мәліметінше, шабуыл 29 қараша күні сағат 04:06-да жасалған.  Теңіз акваториясында экипажсыз катерлермен жасалған мақсатты террористік шабуыл салдарынан Сыртқы айлақтық құрылғы (ВПУ-2) қондырғысы айтарлықтай зақымданған.

Теңіз терминалындағы жүктеу жұмыстары мен басқа да операциялар дереу тоқтатылып, танкерлер Каспий құбыр консорциумы акваториясынан шығарылды. Консорциум қызметкерлері мен мердігерлер арасында зардап шеккендер жоқ.

КТК теңіз терминалында төгілген мұнайға қатысты тексеру нәтижелері жарияланды

КТК, "Теңізшевройл" және Қарашығанақ жобалары АҚШ санкциясынан босады

“Жарылыс кезінде Сыртқы айлақтық құрылғының (ВПУ-2) апаттық қорғаныс жүйелері тиісті құбырларды автоматты түрде жабуды қамтамасыз етті. Алдын ала мәлімет бойынша, Қара теңіз акваториясына мұнай төгілген жоқ. Теңіз суынан сынамалар алынып, экологиялық тексеріс жүріп жатыр", – делінген хабарламада. 

Сонымен қатар, Сыртқы айлақтық (ВПУ-2) құрылғыны әрі қарай пайдалануға мүмкіндік жоқ екені атап өтілді. Терминалдағы жүктеулер тек экипажсыз катерлер мен дрондардан төнетін қауіп толық жойылғаннан кейін, бекітілген тәртіпке сәйкес қайта басталады.

Анықтама

Каспий құбыр консорциумы – Ресей, АҚШ, Қазақстан және Батыс Еуропаның бірқатар елдерінің ірі мұнай-энергетика компанияларын біріктіретін ұйым. Каспий құбыр консорциумы үш ірі қазақстандық кен орнынан – Теңіз, Қашаған, Қарашығанақтан мұнай тасымалдауды қамтамасыз етеді.

2024 жылы терминал арқылы 63 миллион тоннаға жуық мұнай жөнелтілген. Оның 74%-ы шетелдік жүк жөнелтушілерге тиесілі.

Алдыңғы шабуылдар

25 қараша түнде Новороссийск маңындағы Каспий құбыр консорциумының теңіз терминалының әкімшілік ғимаратына дрон шабуылы жасалды. 

Дрондар Новороссийскідегі қазақстандық мұнайды өңдейтін ірі мұнай ауыстырып тиеу кешені Шешхариске шабуыл жасаған. Нақтырақ айтқанда, кешеннің мұнай қоймасы мен жағалаудағы инфрақұрылымына зақым келгені туралы хабарланған еді. Сол кезде Қазақстан Энергетика министрлігі қазақстандық мұнайды қабылдау және тасымалдау әдеттегідей,  шектеусіз жүріп жатқанын мәлімдеді.

Ақпан айында қазақстандық мұнайды өңдейтін Каспий құбыр консорциумының Кропоткинская станциясына украиналық дрондар шабуыл жасады. Бұл оны тасымалдауға шектеулер қойды. Наурыз айында дрондар Кропоткинская құбырына да шабуыл жасады. Біраз уақыттан кейін Украина мен Ресей Каспий құбыр консорциумына (КҚК) шабуыл жасамауға келіскені туралы хабарламалар пайда болды.

Тамыз айының соңында украиналық дрондар қазақстандық мұнайды қоса алғанда, халықаралық тасымалдарды жүзеге асыратын Ресейдің Усть-Луга портына шабуыл жасады.