Kaspi мен ForteBank миллиардтаған теңге жоғалтты
2025 жылдың ақпан айында Kaspi мен ForteBank миллиардтаған теңге жоғалтты. Бұл туралы Stan.kz ақпарат агенттігі хабарлайды.
Коллаж Stan.kz
Қаржы реттеушісінің мәліметінше, Қазақстандағы жеке тұлғалардың банктердегі депозиттерінің жалпы сомасы 24 триллион теңгеге жетіп, қаңтардағы көрсеткіштен 12 миллиардқа артты. Ал заңды тұлғалардың депозиттері 32 миллиардқа азайып, 17,2 триллион теңге болды.
"Otbasy Bank жеке тұлғалардың депозиттерін 104 миллиард теңгеге арттырып, рекорд орнатты. Бірақ Kaspi Bank және ForteBank-те кері нәтиже байқалды. Kaspi банкте 89 миллиард теңге, ForteBank-те 15 миллиард теңге шығын болды", – делінген хабарламада.
Халық банкі жеке тұлғалардан 4 миллиард теңге жинап, корпоративтік шоттарды 111 миллиард теңгеге арттырды.
Сонымен қатар ЦентрКредит Банк пен Отбасы Банкте бизнес депозиттері төмендеді. Десе де, Freedom Bank пен Bereke Bank клиенттердің қаражатын тарту арқылы жағдайын жақсартты.
Айта кетейік, бұл банктердің барлығы Қазақстан экономикасында маңызды рөл атқарады. Ақпан айындағы әртүрлі нәтижеге қарамастан, олар өз клиенттері үшін әртүрлі қаржылық шешімдерді әзірлеп, ұсынуды жалғастырып жатыр.
Айта кетейік, бұған дейін Қазақстанда халыққа берілетін кредиттерге салық мөлшерін көбейту ұсынылған еді.