Соңғы жаңалықтар
Соңғы жаңалықтар

Қарағандыдағы "АрселорМиттал Теміртау" шахтасында жұмысшы қаза тапты

Қарағандыдағы Костенко атындағы шахтада жұмысшы қаза тапты, деп мәлімдеді "АрселорМиттал Теміртау" компаниясы. Бұл жөнінде Stan.kz ақпарат агенттігі хабарлайды.

"Костенко шахтасында оқыс оқиға орын алып, салдарынан "Углеспецмонтаж" мердігер ұйымының 1986 жылы туған қызметкері қайтыс болды. Қазіргі уақытта мемлекеттік комиссия құрылып, оқиғаның мән-жайы тергелуде", –  делінген компания мәлімдемесінде.



eKaraganda.kz мәліметі бойынша, "Углеспецмонтаж" ЖШС мердігер ұйымының 36 жастағы жұмысшысы басынан ауыр жарақат алып, дәрігерлер келгенше жан тәсілім еткен. 

Марқұм жерасты тау-кен жұмысшысы болып жұмыс істеген, 2 сәуірде ол Глинник механикаландырылған тізбегінің учаскесін демонтаждау және бұзу туралы бұйрық алған.

Талқылау